Styrkir úr atvinnulífstengdum sjóðum og nýnemastyrkir

Viðurkenningar til styrkþega úr atvinnulífstengdum sjóðum og nýnemastyrkir, til nemenda sem hafa sýnt framúrskarandi árangur á stúdentsprófi, voru afhentir í Sólinni í Háskólanum í Reykjavík í gær, fimmtudaginn 27. ágúst.

Dr. Ragnhildur Helgadóttir, rektor HR, flutti ávarp við upphaf athafnar og afhenti nýnemastyrkina ásamt dr. Bryndísi Björk Ásgeirsdóttur, sviðsforseta samfélagssviðs, og dr. Ólafi Eysteini Sigurjónssyni, sviðsforseta tæknisviðs.

Veittir voru styrkir úr Hvatasjóði Landsbankans og Námssjóði Sameinaðra verktaka. Sigríður Guðmundsdóttir, mannauðsstjóri Landsbankans, afhenti styrki úr Hvatasjóði Landsbankans  ásamt Bryndísi og kynnti samstarf bankans og HR í tengslum við Hvatasjóð. Þá afhenti Ragnhildur styrki úr Námssjóði Sameinaðra verktaka ásamt Ólafi Eysteini. 

Um sjóðina

Landsbankinn - Hvatasjóður

Háskólinn í Reykjavík í samstarfi við Landsbankann veitir tveimur nemendum styrk sem hafa annað móðurmál en íslensku og náð hafa góðum árangri í framhaldsskóla. Hlutverk sjóðsins er að jafna aðgengi að námi við HR.  Við val á styrkhöfum er tekið mið af námsárangri auk fjölbreytileika og þátttöku nemenda á öðrum sviðum, t.d. íþróttum, tómstundastarfi og sjálfboðavinnu.  Styrkurinn felur í sér niðurfellingu á skólagjöldum fyrsta árið í grunnnámi.  

Námssjóður sameinaðra verktaka

Úr Námssjóði Sameinaðra verktaka eru veittir námsstyrkir sem nema skólagjöldum í eina önn til nemenda í verkfræði, tæknifræði og tölvunarfræði við HR. Styrkirnir eru ætlaðir þeim sem ljúka BSc-gráðu og hyggjast hefja framhaldsnám (MSc eða PhD) í HR eða öðrum háskólum. Nemendur á lokaönn í tæknifræði geta einnig sótt um styrkinn. Umsóknir eru metnar eftir námsárangri umsækjenda, frumkvæði og áræðni, kynningarbréfi og meðmælum. Við mat á umsóknum er einnig litið til þátttöku nemanda í störfum fyrir HR, s.s. félagsstörfum, dæmatímakennslu og kynningarstörfum. 

Eftirfarandi nemendur hlutu nýnemastyrk:  

Eftirfarandi nemendur hlutu styrki úr atvinnulífstengdum sjóðum: 

Landsbankinn – Hvatasjóður  

Námssjóður Sameinaðra verktaka